Nayi umang liye nayi aashaon ke saath,
Suraj ki laali sanjoye un taazi hawaon ke saath…
Aaye hain kuch hanste khilkhilate roop…
Jo khud mein hain adwitiya aur badal sakte hain humare is aaj
ka praroop…
Hai jinhe chahat kuch
haasil karne ki..
Hai jinhe junoon kuch
kar guzarne ki..
Hai jinki nigahein us
buland shikhar par,
Jise pane ki lalsa mein aksar wo rehte tatpar…
Mastak pe hain jinke
adbhut prakash…
Jinki hadein yeh zameen nahi…hai yeh sampoorn aakash…
Aise saumya,sundar, swaroopon ka hum karte hain abhinandan…
Dil
ki gehraiyon se aap sabko kehte hain Swagatam Swagatam Swagatam....
- Anjani Roshan
THIS HAD BEEN WRITTEN BY ME FOR AN OFFICIAL EVENT, NATIONAL OMS MEET ,2010
No comments:
Post a Comment