Yeh kaun si ghadi hai aaj…
Jahan man mein ek anokhi sfurti
bhi hai aur khamoshi bhi…
Naye raste pe chalne ki khushi bhi hai aur apne sahyogiyon
se bichhadne ka dukh bhi…
Ek naye adhyay ke shuru hone ka ehsas bhi hai....
Aur un haseen
lamhon ke khatam hone ka aabhaas bhi…
Yeh kaun si ghadi hai aaj …
Jahan kisi ke paas aane ki
chahat bhi hai aur kisi se door jane ka ghum bhi…
Shikhar ko chhuna hai agar to badhna he hoga…
Manzil ko pana
hai agar to chalna he hoga…
Kathin raahein ho ya fir dhundla saahil…
Buland hai gar
hausla to adig rehna he hoga…
Meet jo aaj hain wo kal bhi rahenge…
Kaliyan jo aaj hain wo
kal bhi khilenge…
Fir agar aashiyana badal jaye to kya…rehna to hoga…
Geet
badal jayein to kya sun-na to hoga…
Yeh kaun si ghadi hai aaj…
Jahan hansne ki lalsa bhi hai
aur rone ka man bhi…..
Yeh
kaun si ghadi hai aaj...
jahan jane ki aarzoo bhi hai aur rukne ka man bhi….
Yeh kaun si ghadi hai aaj..... Anjani Roshan
Good One Anjani. Nice poems
ReplyDeletethanks :)
Deletethanks :)
Delete