Ret ke gharon mein chuppake rakhe the kuch sapne kahin, jo lehron
ke saath kahin beh gaye…
Dil ke aashiyaano mein basake rakhe the kuch apne kahin, jo
bheed mein kahin kho gaye…
Sukh dukh ke sangraam mein main pista chala gaya …
Jeevan-mrityu ke parinaam mein main ghut-ta chala gaya….
Naseeb ka dosh kahu ise main, ya khud ke kiye ka fal…
sooj
boojh ka bodh kho chukka hoon, na koi hai hal…
Tap raha hoon din raat yahan main, glaani ke us aag mein…
Chhup
gaya hai rab mera ,main dhundhta use har
aagaz mein..…
Kitne bhi fariyaad kar loon, dekhta na hai koi…
minnaton ka
asar bhi ab yahan chalta nahin.
.
Thak gaya hoon chalte chalte, saaya bhi na ab saath hai….
Dil pe chhale se pade hain, kya tujhe ehsas hai….
E- khuda mujhpe rehem kar, ab na seh paunga ghum…
Ruswa na ho is kadar tu, dega kitne ab sitam..
Intezaah tujhse yahi hai… hasne de mujhe bhi kabhi…
Zillaton ke bojh tale mein dhoondta hoon khud ko kahin…
.
Raat ke aagosh mein chuupake rakhe the kuch taare kahin,jo
subah ke aane se chhup gaye…
Dil ke jharokhon me basake rakhe the khubsurat lamhein kai,
jo haalaton ke toofan mein kahin kho gaye…
Ret ke gharon mein chuppake rakhe the kuch sapne kahin…jo
lehron ke saath kahin beh gaye…
Dil ke aashiyaano mein basake rakhe the kuch apne kahin…jo
bheed mein kahin kho gaye…
Anjani Roshan
No comments:
Post a Comment